ممبئی: بالی ووڈ کی ناظرین نے 70 کی دہائی کی کامیاب ترین فلم ’’شعلے‘‘ میں امیتابھ بچن اور دھرمیندر کی جوڑی سب سے کامیاب اور بہترین دوستی قرار دیا ہے۔
بالی ووڈ کی مشہور و معروف فلم ’’شعلے‘‘ کو کم و بیش 40 سال ہوگئے ہیں لیکن اس کا ہر کردار اب بھی ناظرین کے ذہنوں میں نقش ہے۔ فلم میں جہاں گبر سنگھ کے کردار نے امجد خان کو امر کردیا وہیں دونوں ہاتھوں سے محروم ٹھاکر کا کردار ادا کرنے والے سنجیو کمار بھی ناظرین کے ذہنوں میں نقش ہیں، فلم میں ہیرو کا کردار امیتابھ بچن کم گو ’’جے‘‘ اور دھرمیندر نے دل پھینک ’’ویرو‘‘ کا کردار ادا کیا تھا، فلم میں دونوں کی عادتیں ایک دوسرے سے یکسر مختلف دکھائی گئیں لیکن دونوں کے درمیان دوستی کو آج بھی ضرب المثل سمجھا جاتا ہے۔
حال ہی میں بھارت کی ایک ویب سائٹ کی جانب سے دوستی کل عالمی دن کے موقع پر ایک سروے کا اہتمام کیا گیا جس میں صارفین سے فلموں میں سب سے پسندیدہ دوست جوڑی کے بارے میں سوال کیا گیا۔ سروے کے دوران 39 فیصد افراد نے جے اور ویرو کی جوڑی کو بے مثال قرار دیا، دوسرے نمبر پر ’’کچھ کچھ ہوتا ہے‘‘ شاہ رخ خان اور کاجول (راہول اور انجلی ) جبکہ حال ہی میں ریلیز ہونے والی فلم ’’کوئن‘‘ میں کنگنا رناوت اور لیزا ہیڈن (رانی اور وجے لکشمی) کی جوڑی تیسرے نبمبر پر رہی۔
پنکج سنگھ نے اپنے ٹیسٹ ڈیبیو میں کوئی وکٹ حاصل کئے بغیر سب سے مہنگے بائولر بننے عالمی ریکارڈر بنا دیا۔
بھارت کے سیم بائولر پنکھج سنگھ ایک ایسے ریکارڈ کے مالک بن گئے ہیں جن کے وہ ہرگز خواہش مند نہیں تھے۔ پنکج سنگھ نے اپنے ٹیسٹ ڈیبیو میں کوئی وکٹ حاصل کئے بغیر سب سے مہنگے بائولر بننے کا عالمی ریکارڈر بنا دیا ہے۔ 29 سالہ بائولر نے انگلینڈ کے خلاف سائوتھ ہمٹن میں جاری تیسرے ٹیسٹ میچ کی دونوں اننگز میں بغیر کوئی وکٹ گرائے مجموعی طور پر 179 رنز دیئے۔ پنکج سنگھ سے پہلے یہ ریکارڈ پاکستان کے سہیل خان کے پاس تھا جنہوں نے 2009ء میں اپنے ٹیسٹ ڈیبیو پر سری لنکا کے خلاف بغیر کسی وکٹ کے 164 رنز دیے تھے۔ پہلی اننگز میں37 اوورز میں 146 رنز دینے والے سنگھ اس وقت بدقسمت رہے جب راوندر جڈیجا نے سلپ میں انگلش کپتان ایلسٹر کک کا پندرہ رنز پر کیچ ڈراپ کر دیا ۔کک نے اس موقع سے فائدہ اٹھاتے ہوئے 95 رنز بنا ڈالے۔ اس کے بعد بھی بدقسمتی نے راجھستان سے تعلق رکھنے پنکج سنگھ کا پیچھا نہ چھوڑا۔ صفر پر کھیلنے والے این بیل وکٹ کے سامنے سنگھ کی لیٹ سوئنگ کو بالکل نہ سمجھ سکے لیکن ایمپائر نے سیمر کی ایل بی ڈبلیو کی پر اعتماد اپیل مسترد کر دی۔ بیل نے اس کے بعد انتہائی پر اعتماد 156 رنز بنا ڈالے۔ انگلینڈ نے بیل کی بیس ٹیسٹ میچوں کے بعد پہلی سنچری کی بدولت 569 سکور پر اپنی پہلی اننگ ڈیکلیئر کر دی تھی۔ تاہم پنکج سنگھ کے لئے خوشی کی ایک خبر یہ ہے کہ سب سے خراب ٹیسٹ ڈیبیو کا ریکارڈ اب بھی آسٹریلیا کے لیگ سپنر برائس مک گین کے پاس ہے۔ مک گین کا 2009ء کیپ ٹائون میں جنوبی افریقا کے خلاف ڈیبیو ہی ان کا آخری ٹیسٹ بھی ثابت ہوا۔ اس میچ میں میزبان ٹیم نے ان کے اٹھارہ اوورز میں جارحانہ 149 رنز بناتے ہوئے ایک اننگز اور بیس رنز سے کامیابی حاصل کی تھی 